Tuesday, December 19, 2006

nafraton ke dayere mein jeena mushkil hai.

zindgi tu itni bedard kyun hai.
har galti ka lizaam hum par kyun hai.
peedha toh mili mujko hai.
fir bhi yeh gunnah hum par kyun hai.

nafraton ke dayere mein jeena mushkil hai.
apne akhon se ashk pina mushkil hai.
jhooti muskan labon pat aati nahi.
Sab ke liye musurana mushkil hai
Kab milegi zindgi ko ek pal ki khushi
Yes sab se kahna mushkil hai.
Dil men rakhte hain

Chaat par khade jis chand ko dekhte ho.
Hum bhi usi chand ko dekhte hain.

Hum chandni kee tarah tumhe
raat bhar Dil men rakhte hain

Jis sahil ko choo kar lahrain jati hain..
Unmain ehsaas humare hi hain.

Kabhee chandni ban kar kabhee sagar ban kar .
Hum tumhre the hum tumahre hain
Fir bhi yeh soonapan kyun hai.

Tumhare dil mein baste hai.
Fir bhi soona anagan kyun hai.

Pyaar toh tum karte ho.
Fir bhi har muhabbat kam kyon hai

Wade ka dum bharte ho
Toot jane ka bharam kyun hai.

Tumhari bahon ka bhandan hai
Fir bhi yeh khalipan kyun hai.

Dikhte toh ho charon aor.
Fir bhee faslon ka vaham kyon hai

Chandni raat mein Milan tha
Fir yeh amawas ka janam kyon hai

Zehan mein khayal bassa hai
Haqeetat mein duur sanam kyun hai

Tumhare dil mein baste hai
Fir bhi yeh soonapan kyun hai.

Pyaar ki intihaa dekh li hai.

Pyaar ki intihaa dekh li hai.
Tumse milkar chahaat ki hadh dekh li hai

Jazbaat aise chedh diye hain
Is pyaar ki rangat dekh li hai

Ankhen pyaarse jhooki huyi hain.
Dadkanon ki awaaz dekh li hai

Meri yaadon mein basne wale
Aaj teri tasveer dekh li hai.

Apne pass bithalo mujko aaj.
Seene mein chuppne ji chah dekh li hai.

Khushi ke pal ginti ke hain
Unmein jeene ki aass dekh li hai
Yeh kaisa mandir bana rahe ho.

Yeh kaisa mandir bana rahe ho.
Jahan bhagwan ko nahi
Pyaar ko devi bana rahe ho.
Who sthaan bahut unchha hai.
Kyun insaan ko wahan bitha rahe ho.
Mana pyaar khuda ki dain hai.
Hum uske bandhe hain.
Fir bhi unka darzaa insaan
Se uncha hai.
Uss mandir ko pranaam
Jis mein aapka khuda aor
Pyaar dono baste hain.
Aarthi.

Bahut door se aayi hoon.
Kayi sapne sajakar layi hoon
Is ghar ki dulhan bani hoon
Piya ki pyaari bani hoon
Sajke doli se utri hoon.

Banke aarthi hi nikli hoon.
Mere naseeb ne saath na diya
Bahut jaldi aarthi par bhitha diya.
Hastraton ko dil mein hi dabaa diya.
Apne samne, apna zanazaa rakh diya.

Meri kuch khawishen puri kar do
Is tarah na jalana mujko
Abhi muje kuch kahna hai.
Mere baad tum jee naa paoge
Tanha tum rah jaoge.

Ghar basa lena apna.
Chahe meri sautan le aana
Guriya meri sambhal lena.
Ruk jao abhi aarthi naa uthana

Abhi kuch vachan baki hain.
Abhi kuch sapne adhure hain.
Wadaa bhi toh lena hain
Aage bhi kahan milna hai
Astiyan ko bhi kahan jana hai

Agar bhool gaye jo mujko
Sapno mein yaad dilayoongi.
Apni sari sharte dohrayoongi.
Aab sulado mujko aarthi par
Aab mein uss ghar jayoongi.
Kardo mujko lapton ke hawale
Aab main sona chahoongi.
Alvida sab ko kah jayoongi.

Rakh bahana naa nadhi mein
Usse udha dena phoolon mein
Jab bhi hawa ka jhonka aayega,
Meri khushbu vo sang layega.
Mera ehsaas de jayega.
Mar kar bhi mera saath ho jayega.
Kyun naa hum tumko bhool gaye.

Nafrat mili hume is tarah
Pyaar karna hum bhool gaye.

Dhokhe diye har mod par.
Tum par aitbar karna bhool gaye.

Zakham paaye aise dil par.
Marham lagana hum bhool gaye.

Khawab thod ke chal diye par
Raat bhar sona hum bhool gaye.

Judai aayi lambi zindgi par.
Milan ki gari hum bhool gaye.

Waqt laya maut humari aor par.
Kyun naa hum tumko bhool gaye.

Nari khilona nahi hai

Aisa kyun lagta hai
Aurat bas ek khilona hai.
Sirf ek jism hai.
Sirf ek jaan hai

Jiski ki naa koi icchha hai
Na hi koi armaan hai.
Jab jo chaye dil bahlata hai.
Jab chahye dil thod jata hai.

Yeh bhi bhul jata hai.
Ussko janam dene wali
Ek maa bhi aurtat hai
Jo haat par rakhi bandhti hai
Woh bhi ek aurat hai
Jo beti hai vo bhi aurat hai

Yeh samaj ke thekedaro
Kab tak jismo ko nochoge.
Aab toh khud ko sambhalo.
Nari ko saamaan do usse man do.

Aaj ki nari ko pahchan lo
Usske har roop ko izzaat do.
Usse uska adhikar do.
Nari sehan shati ki partima hai.
Dhahraye ki misaal hai.
Usse naa majboor karo.

Waqt aane par vo chandi ka avtar hai
Ek aisi chingari jo rakh kar degi.
Naa jagao uske yeh roop.
Usse sheetal hi rahne do.

Nari khilona nahi hai
Woh pyaar ka sagar.
Woh aapke ghar ki izzaat hai
Aapke ghar ka saam.maan hai.
Ek gunnah hum kar baithe

Ek gunnah hum kar baithe
Apne dil ko hi rulaa baithe.

Chaha tha tumhara sapna sajana
Woh sapna hi gawaah baithe.

Hum ek kasoor kar baithe
Pyaar se daman jalaa baithe

Na chalenge un rahon par
Jinke nishan hum meetaa baithe

Dard toh hai aab zindgi ka.
Ankh se ganga bhaha baithe.

Khushi thi haat mein lakin
Har ristha tabha kar baithe.

Dil ka mandir todh baithe
Pathar ki murat sajaa baithe.

Ek gunnah Nira kar baithe
Apne dil ko hi rulaa baithe
Pyaar ki intihaa dekh li hai.

Pyaar ki intihaa dekh li hai.
Tumse milkar chahaat ki hadh dekh li hai

Jazbaat aise chedh diye hain
Is pyaar ki rangat dekh li hai

Ankhen pyaarse jhooki huyi hain.
Dadkanon ki awaaz dekh li hai

Meri yaadon mein basne wale
Aaj teri tasveer dekh li hai.

Apne pass bithalo mujko aaj.
Seene mein chuppne ji chah dekh li hai.

Khushi ke pal ginti ke hain
Unmein jeene ki aass dekh li hai
Zinda lash hoon yeh kah gaye ho.

Ankon mein ansoo de gaye ho.
Zinda lash hoon yeh kah gaye ho.
Daishiyat mein thi zindgi meri.
Uss se bhi badhtar keh gaye ho

Dil ki baat kah nahi sakti hoon
Par dil toh fir bhi rakhti hoon.
Muhabat ki nahi maine kisi se
Par jazbaat yakeenan rakhti hoon.

Tumne meri atma ho hila diya.
Muje apne aap mein rula diya.
Ab kya kerooN Gila maiN tumse
Sachayi se Tumne mila diya
Ek aania muje dikha diya.
Safed sari pahna di mujko.

Kasoor tha hua mujse.
Kya khata ki hai maine.
Kyun suhaag kho diya maine
kyuin safed rang pehen liya maine

Sab kuch choot gaya mera.
Solhah shingar bhi mitt gaye mera
Payal chudhi thod kar meri.
Safed sari se rishta jod diya mera

Huq sab cheen gaye mere
Bistar ki jagah mili chatai mujko
Char bartan ki rasoyi aaj
Ghar ke kisi kone mein di tanhai mujko.
Aaj safed sari pahnayi hai mujko.

Har rishte ne muh fera hai mujse.
Dard ka ghahra zhakham dekar
Kiya hai Rab ke hawale mujko.
Ponch kar maathe ka sindoor leker
Safed sari pahna di mujko
Aaj humse woh pyaar kar gaya

Dil mein pyaar bhar gaya
Ek khawab pura kar gaya
Meri zindgi mein bahar bhar gaya
Ek jaltaran sa chedh gaya
Jab woh iqrar kar gaya.
Aaj humse woh pyaar kar gaya.

Pyaar tha tumhari ankhon mein
Aaj samne aa gaya
Tumse bhi rahana gaya.
Akhir tumhara dil haar gaya.
Zindgi humari adhuri thi
Tumhare ehsaas pura kar gaya.

Kaise yeh pyaar sambal gaya.
Tumse nazaar mila gaya,
Dekha jo pyaarse humari aor.
Dil ruk gaya humara usi pal
Jab woh iqrar kar gaya.
Aaj humse woh pyaar kar gaya.
Dil mein pyaar bhar gaya
Jab woh iqrar kar gaya.
Muje kafan bhej do papa.

Muje kafan bhej do papa.
papa kafan bhej do....
papa kafan bhej do
Aapke bina kaise jiuin
Aapke bina duniya khali hai
munna ka bhi bhej jo
mera kafan bhej do
mujhe pencil bhi nahi chahiye
school ke dress bhi nahi chaiye
koi guriya bhi nahi chaiye

Aapki bahut yaad aati hai
Jab ungli pakad kar chalna sikhaya.
Jab raat jag kar muje sulaya.
Pahli baar jab padhna sikhaya.
Khelon mein bhi saath nibhaya.
Mera aab saath dedo papa

Mere kadam jab bhi dagamaye.
Siddi rah par aap hi laye.
Aaj fir vo gadi aayi hai.
Duniya meri dajmagayi hai.
Sirf aapki hi parchayi nazaar aayi hai.

Jo muje aap takh pahunch de.
Aapki majboot bahon mein chuppa de
Ek baar fir who sahara dedo papa
Mera kafan bhej do papa

Muje gum se bachalo
Apni god mein sulalo
Ek meetee neend sona chahti hoon
Apni ladli ko sulado papa.
Muje mera kafan bhej do papa.
Muje mera kafan bhej do papa

Sirf toote sapno ki raat hogi

Aajki raat barish ki nahi.
Ansooyon ki barsat hogi.
Zindgi mein tumhari kami hogi.
In ansooyon ko pounch.ne,
Wale haat bhi naa honge.

Na chand hoga na tare honge
Naa hi koi sahare honge
Sirf toote sapno ki raat hogi
Aor gumon ke nazaare honge.

Tumhari ankhon mein nami.
Meri hi toh ankhon ki hogi.
Tooti huyi abhilasha ki.
Yehi puri kahani hogi.
Jise log dil kahte hain.

Ek ehsaas toh aapne dila diya.
Humari aapki zindgi mein koi
Jagah nahi hai.

Ik khali diya hua waada hai.
Ik khali diya huya vachan hai
Ik jhooti tasaali hai.

Sare bandhan toh tumne thodhe
Raste baddle hume chor diya.
Dil toh merra toota hai
Tumne kya Kho diya.

Aaj hum bhi kasam khate hain.
Zindgi kisiko woh jagah naa denge
Jise log dil kahte hain.
Khata toh humari thi.

Aaj tak jo bhi tumne chaha hum karte gaye.
Intazaar bhi kiya ratain bhi jagte rahe.
Sare takiye ansoo se bhigote gaye.
Naa koi shikayet ki naa koi gile kiye.

Tum par naa koi asar hua, tumne na koi khabar li.
Do pal bhi naa jaya kiye, apni duniya badaal li.
Ilzam dain bhi toh kisko, khata toh humari thi.
Saath toh humne chaha tha.

Sawan ke sapne toh humare the,
Jhool naa paye toh aaj gum kyun.
Sare takiye ansoo.o.se bhigoye kyun,
Har sapne tumhare liye sajaaye kyun.
khata toh humari thi.
Saath toh humne chaha tha.
Kahmoshi hi hamari zuban hai,

Humrari ek pahchan hai.
Kahmoshi hi hamari zuban hai,
Dil main kitne armaan hain.
Kitne ehsaas hain jo tum tak
Paunchna chahte hain.

Yeh khamoshi tootegi kaise
Kaun dilki baat batayega
Kaun Hoonton thak le aayega.
Hamare toh lab kamp jayenge.
Aapki hi hai yeh zimedhari,
apne hoonton ki baat,
hamare lab thak lani

Ankhon mein sharam ki lali.
Inmein bhi jhank lena,
Apne pyaar hi nami ko
Hooton se choo lena.

Aaj ikhtiyar dete hain.
Apneko aapke hawale karte hain.
Is khamoshi ko zuban dete hain
Pyaar ki haadhain par kar lete hain.
Pyaar ki reet nibha jani hai.
Tumse preet nibha jani hai.
Chal padhe ho jis rah par
Mere humsafar ban kar,
Tumhare saath har naav
Par kar jani hai.

Kannto ki sej ho, toh bhi
Hume neend aa jani hai.
Jahan pyaar hoga, wahan
Jeene ki chah bandh jani hai.
Pyraar ki kisthi hi toh par Lagani hai
Yeh kaisi zindgi ki gadi chalete ho.

Yeh kaisi zindgi ki gadi chalete ho.
Ek pal mein khushi dete ho.
Doosre hi pal mein cheen lete ho.
Dil ki raftaar badhate ho.
Aur apne haaton se uski door,
Kat bhi dete ho.
Yeh kaisa sansar chalate ho.

Char shabdon ka khazana hai.
Kuch kahna hai, kuch soon.na hai.
Khuc yaad rakhna hai
Kuch bhul jana hai, zindgi ko
Yunhi toh chalana hai.
lafzon se sapne ke siwa aur
kya badalana hai
Muje tumse pyaar nahi hai,

Tumne kaise jaan liye ki.
Muje tumse pyaar nahi hai,
Jazbaat sab ke samne aate nahi
Har koi dil ki baat, zuban par late nahi.

Pyaar toh khushbu hai,
jo duur tak faill jati hai,
Ankhon mein machalti,
toh sab ko khabar ho jati hai.

In mein jhankar toh dekho.
Khud bhi doob jaoge ,
Hume bhi le dooboge.
Ankho ke raste dil mein utar jaoge
phir kabhee apane lab par...
koyee shikayatan nahee layoge...
Ankho ke raste dil mein utar jaoge
Naa do ansoo in ankhon mein ,

Naa do ansoo in ankhon mein ,
Bahut ro diye hain hum
Kuch tumse milne se pahle.
Kuch tumhare milne ke baad
Humne toh har pal khushiyan mangi thi.
Milne ki chahaat mangi thi.

Par lagta hai naseeb kuch aur
Hi khahna chahaata hai.
Haaton ki lakhiron se tumhara
Naam hi meetaana chahaata hai.

Dekh ne ko taras gayin hain ankhe.
Khoon ke katre barsa gayin hain ankhe.
Chuban si dil mein uthi hai itni.
Nafrat duniya se ho gayi itni.
Har cheez ko rakh mein milane.
Ko jee hai karta.
Khud ko usmein jalane ko dil hai karta.

Jayenge is jahan se toh khabar bhi na lagegi.
Dil ki sab hasratain dil mein hi rah jayengi.
Jab doondoge hume, bahut door ja chuke honge,
Un kadmon ke nishan par bhi dhool hogi.
Jahan se hum gujrain honge.

Kuch palon ki yadain hongi tumhare pass.
Kyunki di hi toh thi sirf itni yaadain.
Diye toh ansoo the, gum the,dard tha.
Jo aaj lautaye jaa rahin hoon..

Chaha toh tha jee bhar kar pyaar doongi.
Ek aisi khushbu doongi, jo saada tum
Mehsoos karoge.
Un raton ki yaadain jo tumhare liye
Sajayee thi.
Par sab hasratain dil mein hi rah gayin.

Tumne itni dair kar di aane mein.
Hume apnaa banana mein.
Waqt piche choott gaya.
Hum maut ki agosh mein pahunch gaye.

Jate huye bhi dua karte hain.
Jitna hume ne intazaar kiya hai
Tum naa karma, apni zindgi sawar lena.
Jo tumse pyar mange us ko pyar dena.
Jo tumhe pyar de us se pyar lena.
Apni zindgee sanwar lena
Pyaar ke naye sapne sajaa diye

kisi ne halke se kab dastak di.
Kaun kab dil mein utar gaye.
Kab hum apne hosh kho baithe
Kab tum hamare ho baithe.

Pyaar ke naye sapne sajaa diye
Hume apni duniya mein le aaye.
Jiski kabhi kalpana bhi na ki thi.
Jo shayad humare liye bani hi na thi.

Ik nahi duniya rachne lagi hai.
Aapke pyaar mein jeene lagi hai.
Aapki chahaat mein marne lagi hai
Ik madhur si muskurahat la di hai
Is daman mein khushiyan bharne lagi hai

Tumhe yaad karke khud sharma jate hain
Ankhon ke samne tumhi, tum nazaar aate ho.
Abhi yeh haal hai toh tab kya hoga
Ek haat jab tumhare, choo raha hoga.
Simat kar hum khud mein kho jayenge.
Ya palat kar tumse lipat jayenge.
Paata nahi kya kar jayenge.

Zindgi ke us mod par mile ho.
Jahan kuch saanse zinda rahna chati hain.
Par darti is pal bhar ki khushi se bhi.
Kyunki jante hain, yeh mari nahi hain.

Ek sapna sa tum bhi lagte ho.
Lakin is waqt apne se lagte ho.
Kab hum apne hosh kho baithe
Kab tum hamare ho baithe.
Arth

Meri zindgi ko arth dedo,
muje jeene ka huq dedo
Ek hasin sham mere naam likh do.
Ek pyaar bhara paigam dedo.
Choo.te na mujse jo aisa saath dedo.
Raaton metab sa koyee khawab dedo.
Chahaat ka huq muj ko,chahne ka wadaa dedo.
Rahne ko ghar nahi hain, apne dil mein ghar dedo.
Ankho mein pyaar dedo mujhe dil ka karar dedo.
khud ko meree deewar kar do mujh ko
meree deewar de do
Seene se lagakar rakhlo, apni baahon ka sahara dedo.
koyee zindgee le gya tha meree
Meri zindgi dobara dedo
pyar tumhara dedo mujh ko sahra de do
Dil, dil ki baat Maan.ne se dil darta hai.

Pyaar se pyaar kahne ko pyaar darta hai,
Kisiko dildar kahne se dil bhi darta hai.
Yeh kaisi kashmakash hai, har waqt
Dil, dil ki baat Maan.ne se dil darta hai.

Dil mein samaye ho yeh zamanna janta hain.
Fir bhi innse nazaarain milane se kyun darta hai.
Pyaar ke shabad dil mein jhoonjte hain.
Fir bhi samne kahne se dil kyun darta hai.

Chahaat bhi hai tamanna bhi hai.
Fir bhi tumhe choone ko dil darta hai.
Khawabon jo baat khulkar kah dete hain
Haqeekat, zuban par lane se dil kyun darta hai,
Fasle tumhi meetaa sakte ho. Har kadam tumhi
Badha sate ho.
Hum toh kal bhi daarte, aaj bhi daarte hain
Kyun kiye waqt ne itne julm

Teri yaadon ke sahare zindgi guzaar denge.
Chand kadam bhi jo saat chal padhe toh
Sare khawab sazaa lenge.
Kuch toh bhala kiya hoga kisi janam mein.
Tabhi toh baij diya rabne tumhe zindgi mein.
Jise lagakar rakhoongi seene se,

Tootegi jab saanse meri, ek nahi do jayengi.
Ek shareer hoga do aatamey mil jayengi.
Pyaar ki yehi toh intahaa hogi.
Thame huye haat uss waqt koi naa chood.dha payega.
Dharti se akash ka lamba rasta, yunhi kat jayega.

Pooochenge uss khuda se har sawalon ke jawab,
Kyun humare armaan adhure chor diye
Kyun raste itne lambe kar diye
kyun bicha diye samundar ke jaal bich mien
Kyun dair se jalaye deep pyaar ke.
Kyun di itni dard bhaari zindgi.
Kyun waqt ne itne julm kar diye.
Logon ne mujko loota hai.

Har raat ansoo se bheegi hain ankhen
Har roj dil toota hai, har mod par,
Logon ne mujko loota hai.
Umr ki dhalaan par ek din tumne dastak di.

Bhula di muje har dukh ki gadi.
Le aaye mujko ek aisi duniya mein
Jahan pyaar ke sunhere sapne baste the.
Par duniya fir bhi behrahm thi.
Waqt haat se nikal gaya tha.

Muje uss duniya mein jana tha.
Fir se naya ghar basana tha.
Tumko apne saath lana tha.
Aakash mein garondha banana tha
Aab aise yahin jiyenge, ek doosre ki
bahon mein hi rahenge.
Fir aayenge ek naya naam ke saath.
Laayenge mehdi ka rang lal.
Sajegi haat hamare par, uthegi hamari bhi doli.

Fir ek yaadon ka silsila hoga. Sapne honge,
Par is bar tum saath hoge, mere apne honge.
Ek adhuri zindgi ki mukamaal ho gayegi.
Is tarah ek pyaara sa dost mil jayga.

Is tarah ek pyaara sa dost mil jayga.
Yeh toh ek sapna sa lagta hai.
Deere deere vo kareeb aane lage hai.
Dil bhi usse apna maan ne laga hai.

Maano kisi janam ka pichla nata hai
Dekhoon naa tumko toh dil ghabrata hai,
Baat naa ho toh sapne dikhata hai
Aisi kya khas baat, aisa kya naata hai.
Khasiyet kya hai tum mein, kyun waqt milata hai.
Dilka kyun rishta sajata hai.
Sare raste kyun waqt tum tak paunchata hai.

Apne sare bhaid tumhe bata diye hain
Zindgi ke sare paane tumhe padha diye hain
Aaj dil halka lagta hai, dost jo apna sa lagta hai
Jo kal tak sapna tha aaj vo haqeekat sa lagta hai.