Friday, November 07, 2008

Koi bhai, bahen se naa bichde

Bachpan mein ek nanha sa haat
Bandha usspar pyaar se dhaga.
Badhte badhte umr badhi
Choti kalayi majboot haat bani
poora har wada kiya hua
Kabhi gairon se toh kabhi Apno se
Rakhsa bahenki bhai ne ki

Ek atoot pyaar ke bandhan
Mein bandhti chali gayi
Kayi sawan beet gaye
Bhaiya ki yeh pyaari bahna
Piya ke ghar pardesh gayi
Unke rang mein rang gayi
Par jo piche chod aayi yaadain
kabhi naa woh bhul saki

Rote bhai ki kalayi, nanhi si muskan
Yehi toh uski yaadain theen
Duur kahin chuup kar
Sab ki nazaaron se bach kar
Bhai ki yaad mein ansoo Bahati hai,
Bachpan ki yaadon mein ghir jati

Beete pal ginti, kabhi hasti
Toh kabhi ankhen poncha karti.
Dil tadapta ansoon bathte.
Tahwaron par jab rang chadte
Koi bhai, bahen se naa bichde
Bas yehi dua baghwan se karti
Bas yehi dua baghwan se karti