Friday, October 03, 2008

Hum teri Aulad

Hum teri aulad
Karte hain fariyaad
Sab pariwar ke saath hain
Hum kyun hain aanath?

Kabhi kudrat ne
Toh kabhi insane ne
Har aor tabhahi machaiyi hai
Kahin par bookamp aaya
Toh kahin par
Nadiyon mein badd aayi hai
Kisi ne sampradayeek
Umm.aad badhaya
Toh kisi ne
Baarudi antakh failaya.

Dharti phatee Ghar toote
Aapno se apne choo.te
Bacha na koi saath
Hum hogaye anaath
Hum bhi padhna chate hain
Doctor, vakil ya
Engineer ban.na chate hain
Roti kapde aor chhatt ki
Humari bhi hai iccha
Phir kyun lete ho
Humari kathin pariksha

Kiske aage failain haath
Kisse karain fariyaad
Kisse jhukayen maath
Kaun hai jo rakhega
Seer par haath
Maa ki mamta
baba ka dular
Bhai behan ka pyaar
Paane ko hum hain bekaraar.

Bhedon ki tarha
Hai humara haal
Sab karte hain kinara.
Nahi deta koi sahara
Maile aor phatte kapadon se
Dhakte hain tann
Sahte hain
Garmi aur theethoorun
Hum nahi rah paate
Kabhi sukoon se
Kyun aaj mahnga hai
Pani bhi khoon se

Sehkar suraj ki dhoop
Aor pait ki bhook
Sharir gaya hai sookh
Ma.th karo.
Dil par aaghat
Hum nahi faulaad
Hum teri aulad
Karte hain fariyaad.