Sauthan

Aaj dil cheer gaya
Mere hote mera sajan
Kisi aor mein kho gaya
Le aaya husn ki shahzadi
jiskii umr thii baalii
Sautan bana usko
Paraya kaise kar diya
Kahan gaya woh pyaar.
Khaate the kasme jiski
Pal mein Kaise sabkuch
Meeta diya.

Kal maang bhari thi jisne
Sajakar doli laye the.
Kaise kaise sapne in ankho
Mein usne sajaye the.
Ek beTi se bani jiskii patnii
Bahu ghar ki kahlayi,
Maa banker maine
Apna dharam poora kiya

Fir yeh kaisa sawan
Mere angan aaya.
Ek beta hi toh tha
Jisko naa maine paaya
Bete ki aas mein
Dedi betiyan char
Uska bhi toh dosh
Muj par hi lagaya.

Aab sautan sang
Manaoge Raat rangili
Kal jo sej meri thi
Uspar hogi Silwat
Meri hi sautan ki
Tadap uthegi aatma
Kaise samajayoon dilko.
Kaise sahoon sitam
Sautan ka is dilpar

Kya tha aisa jisko.
MaiN ne na use diyaa
Kyun is umr mein
Yeh din dikhla diya.
Bab-du’aa desakti nahi,
Main aab bhi sajan tumko
Tumse hi toh pyaar kiya.
Sirf tumse hi  pyaar kiya.