dil ki ehsaas

Dil mera ab tho nahi mere ikhtiyaar me

Sab kuch bhulaye baithe hain unke pyaar me

Chahat ka rang unki humpe aisa chadh gaya

Har waqt dhoobe rahte hain hum khumaar me

Humko yakin hai vo chale aayeinge ek din

Humne jalaa rakhe hain diye  intazaar me

Hum jante hain vo fareb hi karainge

Jhoota hi sahi chain toh  hai aitbaar me

Humko faqaat  pyaar se  vo maar sakenge

Varna nahi asar unki khanzar ki dhar me

“nira” ye soch kar tasaali naa khud ko de

Paya hai unko humne yaqinan hazaaron me

bhudapa

chal char qadaam
aor chal  le
gar jhuk jaye toh
laaathi pakad le

tera sahara aab
tu khud hi hai
dheeraj naa kho
hausla buland kar le

pyaar se tujhe koi
paas na bulayega
dil mein iss baat ko
aaj ghar kar le

bhudape se sab
katrate hain
bache bhi saath
chod jate hain

kamzor ka sahara
koi banta nahi
apni hi laash ko tu
kandhe par dhar le

Maa

Maa kaun hoti

kya janam jo deti

wo hi maa hoti hai

kya nau (9) mahine ka garbh

hi maa ka huq dilata hai

yashoda bhi toh maa thi

kanha beta devki ka tha

vo toh maa kahlayi thi

phir aaj jo paalti hai

maa kiyon nahi kehlaati ?

usne bhi toh

geele mein soya hai

bachche ko sookhe

bistar par sulaya hai

khud naa khakar

apne ladle ko khilaya hai

raat raat jag kar

nanhi jaan ko sulaati hai

phir bhi wo

maa kiyon nahi kahlaati ?

mandiron mein dua maangti hai

masjid mein Dua maangti hai

church jaakar prayer bhi karti hai

gurudwaare mein

gurwaani sun kar

salamti ki dua karti hai

maa kyun nahi kahlati?

maa ka darja bhagwan hai

jahan wo nahi wahan maa hai

sab granthon mein

yeh baat batayi hai

maa kyun nahi kehlaati?

phir bhi aaj uspar ungli

uthaai jaati hai

kiyon ek maa ke saamne

pariksha aati hai

kiyon wo apne bachche ki

maa nahi kehlati?

apno ka dard

Jab apna hi koi peeth par waar kar jata hai
Dil ka dard ankhon mein nazaar aata hai
khota hai vishwas, toot.ta hai bhram apno ka
Sagar banker ashk, ankhon se utar jata hai

Kaisa sandesha bheja hai

Chand Taron mein lapet kar
Baharon mein mahak bhar kar
Muhabat ne aaj dilbar
Kaisa sandesha bheja hai
Padh ke choom letee hoon
Choom ke padh letee hoon

Raahon mein palken bichakar
Umeedon ke chiraag jalakar
Dil mein sanam ke halchal machakar
Ankhon mein kaisa khwab bheja hai
Dekh ke jag jatee hoon
Jag ke dekh letee hoon

Awaaz ki meethi sargam sajakar
Bolon ki meethi dhun bana kar
Tan par mere janam
Likh kar Geeton ka
kaisa paigam bheja hai
Soon ke doob jatee hoon
Doob ke suntee jatee hoon

Mehndi haathon par lagwakar
Laal joda pahanawaakar
Haath mein choodi, mathe bindiya
Aaj yeh kaisa shingaar bheja hai
Sharma ke aayeena dekh letee hoon
Ayeena dekh ke sharmaatee hoon

Aaj kya baat hai kis ke pas jatee hoon
Aaj kya baat hai kisee ko pas patee hoon

Papa mujhe bhi ek kafan deejiye

Duniya hai Khali Khali see Papa tumhare bAAd

Main bun gayee sawali see Papa tumhare bAAd
Kub kah rahee hooN maya ya dhan bhej deejiye
Papa mujhe bhi ek kafan bhej deejiye
 
Bachpan ke GuRia GuddoN ki chaahat nahiN mujhe
Ab pencil-qalam ki zaroorat nahiN mujhe 
Dhak jaye jis se mera yeh tun bhej deejiye
Papa mujhe bhi ek kafan bhej deejiye
 
Aapne mujhe saNbhalna sikhaya tha ek din
unGli pakaR ke chalna sikhaya tha ek din
jo chaahta  hai mera yeh man bhej deejiye
Papa mujhe bhi ek kafan bhej deejiye
 
Ek roz paRhna likhna sikhaya tha aap ne 
Aur khel men bhi saath nibhaya tha aap ne 
Hai bojh zindagee ki thakan, bhej deejiye 
Papa mujhe bhi ek kafan bhej deejiye
 
tareekiyoN meN raah sujhaayee thee aap ne
jeevan ki seedhi raah dikhaai thee aap ne
Ab maziloN ki kisko lagan, bhej dejiiye
Papa mujhe bhi ek kafan bhej deejiye

Ik pal meN jo miTa de mujhe bus wohee kafan
Jo aap se mila de mujhe bus wohee kafan
Duniya se haT gaya hai ye man, bhej deejiye
Papa mujhe bhi ek kafan bhej dejiye
 
Soti thee meeThi neend tumhari hi god men
Aatee thee achchi neeNd tumharee hi god meN
Us god ki hai phir se lagan, bhej deejiye
Papa mujhe bhi ek kafan deejiye

Murli na bajayeeo

O Kanha murli na bajayeeo
Soon murli dhun krishna

ho jati hoon magan
kaise sudh mori bisrayeeo .

O kanha murli na bajayeeo
Soon kanha murli na bajayeeo

Dekh sakhiyan mope haase hain
tohe rijaayoon chuddiyon se
Main toh nachoon tore aage

O kanha murli na bajayeeo
Soon kanha murli na bajayeeo

Gopiyon sang kaise dekh paayoon
Gusse ki aagse jee ko jalayoon
aag mein jal maar jaayoon

O kanha murli na bajayeeo
Soon kanha murli na bajayeeo

Raaste roke hai, dushman jamana
Kaise jaayoon mein ganga batana
mori ankhen dekho, neer nahaye

O kanha murli na bajayeeo
Soon kanha murli na bajayeeo

Qataat / Muktak

aane me thodi der hui. ho gaye khafa 
tumse to intzaaar bhi na ho saka mera
ik wo bhi waqt tha mera kya bhul gaye tum
raftaar-e-zindagi se koi wasta na tha

GEET

Dekha humne dekha koi bhi pass nahi
Kaise jiyen ab jeene ki koi aass nahi

Jo bhi mila duniya se uska shikwa kya
Ab kya sochen toota apna sapna kya
yani aab koi bhi apna khas nahi

Dekha humne dekha koi bhi pass nahi
Kaise jiyen ab jeene ki koi aass nahi

apne bankar sab dhokha dete hain
Vishwason ke bandhan toda karte hain
ab humko apne pe hi vishwas nahi

Dekha humne dekha koi bhi pass nahi
Kaise jiyen ab jeene ki koi aass nahi

Karobar mein apne saamp se daste hain
ye kaisa rishta hai rishte ki paribhasha hai
yeh rishta hai toh humko raas nahi

Dekha humne dekha koi bhi pass nahi
Kaise jiyen ab jeene ki koi aass nahi

Ghazal

Dil mera nahiN ab to mere iktiyaar me
sab kuch bhulaye baithe haiN hum unke pyaar me

chahat ka rang unki hampe aisa chadh gaya
har wqat doobe rahte hain hum to khumaar me

hamko yaqiN hai aap chale aayenge ik din
hamne jala rakhe hai diye intazaar me

hum jante hain aap to fareb karenge
Jootha hi sahi chain to hai aitbaar me

hamko tu pyaar se hi faqat maar sakega
varna asar nahi tere khanzar ki dhaar me

'nira' ye soch kar ke taslli na khudko do
paya hai usko hamne yaqinan hazaar meN

Shikayat bhi nahi

zindagi aasaa'n nahi lekin musibat bhi nahiin
iss adhoori zindagi se ab shikayat bhi nahiin,,

mukamal hai mera jahaan kuch iss tarah-

zindgi se ab toh koi shikayat bhi nahiin -

zindagi ke haalse mayoos na hona kabhi

inaayat hai kHudaa kii koii shikayat bhii nahiiN

roshan karainge zindgi ko kuch is tarah se

laye haiin jo iss jahaan unse shikayat bhi nahiin

paaya hai pyaar bey inthaahh is jamane se

khudaa wapas boola le koi shikayat bhi nahiin

Parindah

mera arman hai uR jaaoN parindah ban ker
har bulandee ko maiN chhoo loN koii chiRiya bun kar

kaash azaad rahooN apni harik qaid se maiN
kabhi is peRh pe baiThoN kabhi us peRh pe maiN

ek baar aake maiN baThoN tiree chat per bhee kabee
dekh ker Khoosh tujhe miltee hai mire dil ko khushee

kaash main bhi tiree kuch KhushiyoN meN shamil ho jaaoN
dekh kar Khush tujhe main bhi kabhi khushiyaan paaoN

maiN jo panchee kabhi bun jaaoN tou aisa karna
dil ke piNjre maiN mujhe qaid hee rakhkha karna

qaid bhee teri mahaktee huwee jannat hogee
mere mahboob yeh "Neera" pe inaayat hogee

Nira

Jindagi ko toofaan hai is tereh se gherre

Jindagi ko toofaan hai is tereh se gherre
kinare toh dikte hain par ghere hai andhere

leke ek sahara chal padhe they lakin
beach bhawar vo chhod kar chale hain

toota hai vishwas,ab na karenge kisi par
leke yeh gham duniya se hum chale hain

Jhante hain hum,kishtiyon ko milte nahi kinare
ek hum hi nahi bhawar main aur bhi padhe hain

Kis ko dhain aawaaz jab shabd hi narahe
intezar hai us gadi ka jab saans hi na rahe

Jaate hue ko awaaz  gar  vo de dete
hum ek maut toh kya sav maut chhod dete

Maut Tu Itani Khudgarj Kyun hai?

This poem is written by me (Nira Rajpal) in 2007 and posted in Shayarfamily on sept 21st 2007

Friends aapke samne ek aor sachai ke khayal lekar pesh huyi hoon. Aaj muje is nazm ko ek sampooran roop dene mein muje Vinu ji ka saath mila hai. dilse aapka shukrira adaa karti hoon is marg darshan keliye. aap sab ki rai ka intazaar rahega. shukriya.

nira

Maut Tu Itani Khudgarj Kyun hai???

maa ka
Aanchal bheega kyun hai
baap ke kandhe tute kynu hai
masoom se ye bachche roothe kynu hai
ye to bata inke hasne main harz kynu hai
Maut tu itni khudgarz kyun hai

Dulhan ki hatheli par
Mehndi ka rang hai
Sajan sang abhi kheli holi nahi
fir ye masoom chehra
kaisa badrang hai
inn bheege ankhon main
mamta ke sapneka farz kyun hai
Maut tu itni khudgarz kyun hai

Ek kahar dhaah jati ho
Jis ghar main aajati ho
Na umr ki parwah hai tujko
Naa rishton se lajati ho 
tumko kya maloom
kya sitam dhahata hai
kitno dil dhukhata hai 
ye Akhri safar sab par

tu jiski dawa hai wo marz kyun hai
maut tu itani khudgarj kyun hai ,

Aansoo ki baunchaar mein 
Man geela hota hai
Dil mein dekha sapna
adhoora rahta hai
Achanak jab koi tera
hamsafar banta hai
jane wale tera hath 
pakad chale jate hai
ham unke liye rote pachtate hai
shayad tere pyaar main dam bahut  hai
sab ka pyaar thukra kar
tujhmein sama jate hai 

soch main padh jati hoon
logon ka dard dekhoon 
ya teri sachchai ko
ya chup rahoon
main baar-baar sochati hoon
tujhe khudgarj kahoon
ya na kahoon?? 

Nira

bhid mein nikloge kaise zara itna baata do

bhid mein nikloge kaise zara itna baata do

kaun thamega tera haath zara itna bataa do

hai nafroton ki aag zamane mein lagi huyi

kaun bujayega yeh aag zara itna bataa do

karte hain ibadat khuda ke bande subha sham

kaise karte hain katle aam zara itna bataa do

muhabat ghar hai khuda kahta hai zamana

kaise toota yeh tera ghar zara itna bata do

shub o sham inntazare ghum mein dhal gayi

kaise beete hijr ki raat zara itna bataa do

jo karam karte vo ehsaan bhi jata dete hain

kis nakab mein chippa julm zara itna bataa do

Kaise pathar se dil laga baithe,

Kaise pathar se dil laga baithe,

Kaise pathar se dil laga baithe,

Kaise khud ko daag laga baithe.

Log daman bachakar chalte the.

Hum daman mein aag laga baithe

Waadon pe aitbar kiya,

chaahat ne Majboor kiya.

chaahat ka Rang laga baithe.

Dilke haaton khudko loota baithe.

Chakor ki tarah chandko chaah baithe

Khawishon ke deep dil mein jaga baithe.

Amawas ki raat jalaya poonam ka diya

Kaise pathar se dil laga baithe,

Tum jo aa jate ik baar

Tum jo aa jate ik baar

Vyakul man ko milta chain

Neer na barsate yeh nain
dil ke baGh men aati bahar
tum jo aa jate ik baar

Khankte haathoN meN kaNgan
Nachta KhushiyoN se yeh man
Kartee main bhi solah shiNghaar
Tum jo aa jate ik baar

Dilmein uth.ti nayee umaNg
Dhadkan gati madhur taraNg
Man mera gata malhar
Tum jo aa jate ik baar

Kitne sapne TooT gaye
Dil se armaN rooTh gaye
Kyun bahtee ashkoN ki dhaar
Tum jo aa jate ik baar

Muhabat ke usool mushkiil
Jinko thodna nahi mumkin
Giradi hai aaj yeh deewaar
Tum jo aa jate ik baar

Lazaa ka daaman chora
Dil mera ghabrakar bola
Jana hai mohe pii ke dwaar
Tum jo aa jate ik baar

kaise beete hijr ki raat zara itna bataa do

bhid mein nikloge kaise zara itna baata do

kaun thamega tera haath zara itna bataa do

hai nafroton ki aag zamane mein lagi huyi

kaun bujayega yeh aag zara itna bataa do

karte hain ibadat khuda ke bande subha sham

kaise karte hain katle aam zara itna bataa do

muhabat ghar hai khuda kahta hai zamana

kaise toota yeh tera ghar zara itna bata do

shub o sham inntazare ghum mein dhal gayi

kaise beete hijr ki raat zara itna bataa do

jo karam karte vo ehsaan bhi jata dete hain

kis nakab mein chippa julm zara itna bataa do

Nashtar

Nain mere darshan ko tarsey
Man meN har pal aag si barsey
Vyakul hokar ghar meN aaoN
Nischal ho kar niklooN ghar sey

Nadiya meN ik baaRh see aayee
LehRen dekh kar maiN ghabrayee
Kaun sahara dete mukh ko
Tinka tak maiN dhooNdh na paayee

Hain akash meiN badal kale
Jhum rahe haiN jhumne wale
Neer meri ankhon se barsey
Nishchal man ko kaun saNbhale

Aise mein logon ki bateN
Chhubne wali teekhee bateN
Dil pe nashtar se chalte haiN
Sun kar sab ki kaRvee bateN

Do gaz kafan

Wafa ke badle diye ilzaam zamaane hume
Bewafai ki di hai aag saman ab jane de

Sang jayega kaun tere naa ummed laga.
Do gaz kafan ka hai saath ab jane de

Kabhi himmat par teri mar meette the hum
Sharmindaa hoon is qadar janab ab jane de.

Ruki thi soch kar mil gaya rooh e humsafar
Naa hoga is janam tera saath ab jane de.

Maut sar par kadi aaj muskurati hai
Hai safar mein teri yaad ab jane de.