Friday, November 28, 2008

Yeh aaKhree salam mera tere naam hai

kar le qubool is ko yeh mera salam hai
Yeh aaKhree salam mera tere naam hai

ruKhsat ke waqt palkeN bhigane ki rasm kyuuN
babul ke ghar ko choRna beTee ka kaam hai

yadoN ke saye raushnee hone nah deNge
yeh zindagee hamari andheroN ke sham hai

Woh nazm ho ya ho meri Ghazal sub tire liye
Jab se kitab.e dil pe likha tera naam hai

yeh mera kaam tha ki banaya hai aashiyaN
Ab bijliyaN giraana falak tera kaam hai

Kya ab bhhi uski yaad ke baqi hain kuch nishaN ?
Yeh phir zubaN pe teri jo “Nira” ka naam hai